ROXAS CITY – Wala sang kasiguradohan nga mahatagan sang katumanan ang ginaapelar sang mga mangunguma sa Capiz nga pagdeklarar sang state of calamity sa probinsya bangud sa epekto sang dry spell ukon el niño sa ila ulumhan.
Ini ang ginpahayag ni Capiz governor Antonio Del Rosario sang mainterview sang Bombo Radyo Roxas.
Suno sa gobernador nga nakadepende sa mga local government unit (LGUs) ang pagdeklarar sang state of calamity sa ila banwa antes ini dalayon nga ideklarar sa bilog nga probinsya.
Nahibaluan sa pihak sang krisis sa karon nga nabatyagan sang mga mangunguma, ginpahayag sang Office of the Provincial Agriculturist nga minimal lamang ang epekto sang nasambit nga kalamidad sa probinsya.
Mahibaluan nga 16 ka mga banwa sa probinsya, ang banwa pa lamang sang Tapaz ang nakadeklarar sang state of calamity.
Nahibaluan nga sa pagpakigsapol sang grupo sang mga mangunguma sa gobernador ginpa-athag naman sa mga ini ang pila ka mga guidelines agud makadeklarar sang state of calamity sa isa ka lugar.
