ROXAS CITY –Ginpanindugan sang hepe sang Maintenance and Construction Division sang Department of Public Works and Highways (DPWH) Capiz 1st Engineering District nga may ginabutang nga early warning devices sa wala natapos nga dalan sa Barangay Dayao, Roxas City.
Ini ang pagpaathag ni Engr. Julius Abela kasunod sang madamo nga reklamo gikan sa mga motorista natuhoy sa asud-asod nga pagluntad sang aksidente sa nasambit nga dalan.
Ginpahayag ni Abela nga may yara sang mga early warning devices nga
ginbutang ang kontraktor sa nasambit nga dalan apang gin-athag sini nga masami nga ginapang-tumba sang mga nagalabay nga salakyan kag ginakuha sang mga residente.
Gindugang pa ni Abela nga gilayon man sini nga gin-abisuhan ang kontraktor nga butangan sang early warning devices ang nasambit nga karsada bangud sa mga reklamo sang mga motorista.
Samtang ginpanindugan man ni Abela nga masami man sini nga gina-inspeksyon
ang wala makay-o nga dalan kag aminado nga may yara sang pila ka kakulangan nga dapat hatagan sang pagtamod sang kontraktor.
