ROXAS CITY – Arestado ang lalaki nga ginakabig High Value Individual (HVI) matapos ang ginkasa nga Drug BuyBust operation sa Brgy. Atiplo, Mambusao Capiz.
Ang wala na ginhingadlan nga arestado ang nagapang-edaron sang 38-anyos kag residente sang Barangay Tugas, sa amu nga banwa.
Sa impormasyon nga nakuha sang Bombo Radyo nagikan sa Mambusao Municipal Police Station, ginapahayag nga natigayon ini nga madakpan pinaagi sa gintingub nga pwersa sang Mambusao MPS, Sigma MPS, Sapian MPS, kag Philippine Drug Enforcement Agency (PDEA) Region 6.
Nakuha sa posesyon sini ang 5 ka sachet sang ginapatihan shabu, P200.00 buy-bust money, P1,300.00 nga counterfeited money kag coin purse nagaduag asul.
Sa karun nagapabilin ini sa paghinakop sang Mambusao MPS, para sa nagakaigo nga disposisyon.
