ROXAS CITY – Liwat nga nadakpan ang ginakabig High Value Individual (DVI), matapos ang ginkasa nga drug buybust operation sang katapo sang Philippine Drug Enforcement Agency (PDEA) takna 4:37 sang hapon Oktobre 19, 2023 sa Sitio Looban, Brgy. Tanque, Roxas City.
Sa impormasyon nga nakuha sang Bombo Radyo nagikan kay Maria Melinda Panaguiton Philippine Drug Enforcement Agency
Capiz Provincial Officer ginkilala ang nadakpan kay kay alyas “Butchoy”.
Nakuha sa paghinakop ni alyas “Butchoy” ang 13 tanan ka sachets sang ginapatihan shabu nga nagabalor ginabulubanta kapin P200,000, P500 nga marked money kag nagkalain-lain nga mga drug paraphernalia’s.
Mahibaluan, anay na nga nadakpan si Butchoy sadtong 2016 sa kaparehas man nga kaso apang natigayon nga makaguha sadtong 2018.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon ni alyas “Butchoy”.
Sa karun natalana ini nga pagadal-on sa Regional Office sang Philippine Drug Enforcement Agency, agud ipaidalum sa drug test kag pasakaan sang panumbungon.
