ROXAS CITY – Nadakpan sa Sitio Insiwalan, Barangay Tapulang, Maayon, Capiz si Francisco Balois, 65-anyos nga kilala kay ‘Ka Tonying’.
Si Ka Tonying ang ginakabig lider sang New Peoples Army Igabon Platoon Central Front Committee Kilusang Rehiyong Panay.
Gindakop si Ka Tonying pinaagi sa gahum sang warrant of Arrest nga ginserbi sang mga militar sa 301st Brigade, 12IB kag pwersa sang Maayon PNP.
Si Ka Tonying ang nagapangatubang sang kaso nga murder, rebellion kag extortion. Ginaangot man ini sa pagpangilkil sa mga contractor, pagpangsunog sang mga heavy equipment sang nagligad pa nga tinuig.
Mahibaluan nga madugay na ini nga nagapanago sa kabukiran.
Sa pagkaaresto kay Ka Tonying narekober sa iya nga posisyon ang mga armas luthang, mga bala kag mga granada.
Ginapahayag nga nagkadto sa nasambit nga barangay si Ka Tonying para nga magbisita sa iya himata kag nakalab-ot sa ihibalo sang mga otoridad.
