Ginakabig Top 6 most wanted person provincial level kag top 2 MWP sa City Level, arestado sa Barangay Libas, Roxas City

ROXAS CITY – Arestado ang isa ka lalaki nga ginakabig Top 6 most wanted person sa provincial level kag top 2 most wanted person sa City Level sa Barangay Libas, Roxas City kahapon sang aga takna 7:30 Nobyembre 16, 2023.

Ginkilala ang nadakpan kay alyas “Kokoy” 34-anyos kag residente sang nasambit nga lugar.

Ang warrant of arrest ang gin-isyu kag ginpirmahan ni Hon. Eric Anthony A. Dumpilo, Acting Presiding Judge of Regional Trial Court, 6^th Judicial Region, Branch 14, Roxas City napetsahan Nobyembre 14, 2023.

Sa karun yara na sa kustodiya sang Roxas City PNP si alyas “Kokoy” para nagakaigo nga disposisyon.