ROXAS CITY – Dismayado ang 50-anyos nga iloy matapos nga ginaalegar ginhatagan ini sang sala nga findings natuhoy sa balatian sang iya anak sa Bailan District Hospital.
Suno sa wala na nagpakilala nga ginang nga residente sang Barangay Pasugue, Panitan nga gindala sini ang anak sa nasambit nga ospital matapos nagsakit ang tiyan.
Sa panaysayon sang ginang nga gin-abisohan ini sang wala mahingadlan nga doktor nga kinahanglan nga operahan ang bata sini bangud sa tuman na ka delikado ang kondisyon.
Luyag kuntani sini nga operahan ang bata apang ginkadismaya sang ginang nga ginbalibaran man sila bangud ginapahayag nga kulang sa kagamitan ang nasambit nga ospital.
Dugang pa sini nga ginresitahan sila kag ginrefer nga dal-on ang pasyente sa siyudad sang Iloilo.
Bangud diri, ginpakamaayo sini nga dal-on na lamang sa Roxas Memorial Provincial Hospital apang napaslawan man sila matapos nga ginbalibaran man ini sang nasambit nga ospital.
Mahibaluan nga gindala na lamang sang ginang sa pribado nga ospital sa siyudad sang Iloilo ang iya bata kag natukiban nga normal lamang ang kondisyon sini.//VC…Concerned Ginang 7-26-20.//
