Ginang dismayado matapos masobra 1 ka-tuig na wala na bayadan sang isa ka persona ang utang sini nga detergent powder

ROXAS CITY – Dismayado ang isa ka ginang matapos nga masobra 1 ka-tuig na wala na bayadan sang isa ka persona ang gin-utang sini nga detergent powder sa Arnaldo Boulevard, Roxas City.

Nahibaluan nga nagpadulong sa Bombo Radyo Roxas si Sandra Frio sang nasambit nga lugar agud ireklamo si Jinky Bolanio matapos nga nag-utang ini sang 32 kilos nga detergent powder sa iya sadtong Marso 15, 2019.

Ginabulubanta nga nagalab-ot sa 2 mil ang kabug-usan nga kantidad sang detergent powder nga gin-utang ni Bolanio sa tagreklamo.

Ginaalegar nga ginasukot man sang tagreklamo si Bolanio apang masami ini nga nagapamalibad sa iya.