-- ADVERTISEMENT --
ROXAS CITY – Nagparekord sa Roxas City Police Station ang isa ka ginang bangud sa kakulba nga nabatyagan tuga sang pagmaoy sang iya kaugalingon nga bayaw sa Crossing Jail, Barangay Lawaan, Roxas City.
Ang tagreklamo ang ginkilala nga si Jeneth Abayon, 37 anyos, residente sang nasambit man nga lugar.
Sandig sa ginparekord ni Abayon, sa tagsa ka mahubog ang iya bayaw nga si Ismael Barrosa, 52 anyos, nagatuga ini sang kinagamo.
Gindugang pa sini nga masami nagapatukar sang mabaskog nga sunata ang iya bayaw kun nakainom, nagakuha sang binangon ukon espading kag ginapahog sila nga patyon.
Bangud diri, ginapakaayo na lamang ni Abayon nga iparekord sa pulisya ang nasambit nga insidente.
-- ADVERTISEMENT --
