ROXAS CITY – Karsel sang Roxas City Police Station ang gindangatan sang isa ka ginang matapos nga ginaalegar gindumog ang isa ka ginang sa Roxas City Police Station.
Ginkilala ang tagreklamo kay Alma Fuentes, 40 anyos kag temporaryo nga nagatinir sa Phililippine Railway St., Barangay IX, Roxas City.
Base sa impormasyon sang mga kapulisan nga hinali na lamang nga ginliab kag gindumog ni Analie Guanco, sang McKinley St., Roxas City, Barangay 1, sining siyudad ang tagreklamo sa diin nag-angkon sang pilas sa lawas tuga sang pagpangdumog.
Magluwas diri, ginreklamo man si Guanco bangud sa pagpanghaboy sang bato sa nawong ni Police Master Sergeant Phideas Ray Obligar, Custodial Officer kag pagtiklod sini kay Police Corporal Rona Mae Onato sang WCPD Section sang Roxas City Police Station.
Ginapatihan nga agaway sa bata ang ginhalinan sang nasambit nga insidente.
Samtang, ginapahayag nga yara sa idalom sang impluwensta sang makahulubog nga ilimnon ang amo nga ginang sang natabo ang insidente.
