ROXAS CITY – Patay ang 27 anyos nga babaye matapos nagbitay sa sulod sang ginarentahan sini nga boarding house sa Narra Road, Barangay Punta Tabuc, Roxas City.
Ginkilala ang biktima kay Darryl Rose Gavino, residente sang nasambit man nga lugar.
Sa interview sang Bombo Radyo sa walo ka tuig nga anak sang biktima nga si alyas Toto, samtang yara sila sa sulod sang kwarto, ginhambalan ini sang iloy nga magguha bangud magailis ini.
Ginkatingala naman sang ila nga landlord nga wala sa gihapon naggaguha ang biktima rason nga ginsugo sini si alyas Toto nga tsekyaron ang iloy sa kwarto.
Didto kag nagpalangurog ang bata sang makit-an nga nakabitay ang iya iloy sa kwarto kag wala na sang kabuhi.
Gindala pa ini sa ospital apang wala na natabangan pa kag ginbawian sang iya nga kabuhi.
Base naman sa inisyal nga imbestigasyon sang mga otoridad, may indi pag-intiendihanay ang biktima kag ang iya nga live-in partner.
Ginapahayag nga gindala sang iya live-in partner ang ila walo ka bulan nga hinipo nga anak.
Bangud diri, ginapatihan nga tuman nga depresyon ang rason sang ginang sang pag-utas sang iya kaugalingon nga kabuhi.
