ROXAS CITY — Nagalakot nga kalipay kag kasubo ang nabatyagan sa karon sang pamilya Fundal sa Barangay San Nicolas, Tapaz, Capiz matapos nga magbun-ag sang triplets apang premature ang ginang nga si Genevieve Fundal samtang yara sa general community quarantine (GCQ) ang probinsiya.
Sa interview sang Bombo Radyo sa utod sang ginang nga si Jayno Fundal, kinahanglan pa nga i-transfer sa mas daku nga ospital ang mga lapsag nga lunsay mga babaye agud ma-incubate apang kulang ang ila nga kuwarta.
Sa karon naka-confine ang mag-iloy sa Mambusao District Hospital.
Bangud diri, nagapangayo sang bulig ang pamilya Fundal sa sin-u man nga makahatag sang ayuda sa ila agud magamit sa galastuhanan sa ospital sang mag-iloy labi na sa pagtransfer sa mga ini sa iban nga ospital nga mas may ikasarang nga mag-atipan sa mga lapsag.
Nahibaluan nga isa ka mangunguma ang mister ni Fundal apang indi supisyente ang ginakita sini bangud sa ginapatuman nga GCQ sa probinsiya
