Ginang nagpabalhag sa pulisya matapos ginaalegar ginkastigo sang utod kag hinablos

ROXAS CITY – Nagpabalhag sa Roxas City Police Station ang isa ka 49-anyos nga ginang matapos nga ginaalegar ginkastigo sang utod kag hinablos sa Barangay Barra, Roxas City.

Ginkilala ang tagreklamo nga si Rosalina Agmana sang nasambit nga lugar.

Sandig sa ginpabalhag sang tagreklamo nga nag-angkon sang indi pag-intiendihanay ang biktima kag mga suspek nga sanday Rosalino Tibar kag hinablos sini nga si John Harvey Tibar nga lunsay mga residente sang nasambit nga lugar.

Ginaalegar nga ginkastigo ini sang duha ka mga suspek rason nga nagpalanakit ang kalawasan sini.

Bangud diri, ginpakamaayo na lamang sang tagreklamo nga ipabalhag sa pulisya ang natabo.