ROXAS CITY – Patay ang 37-anyos nga ginang matapos ginaalegar naghikog sa ila garahe sa Barangay Parian, Sigma, Capiz.
Mismo ang napulo ka tuig nga anak sang biktima ang nakakita sa iloy nga nagabitay sa ila nga garahe kaina sang aga.
Nahibaluan nga nagbangon ang bata kag ginpangita ang iloy sa diin sang wala makita sa ila hulot ang ginang, nagdiretso ini sa ila garahe agud tsekyaron kun nakaabot ang amay nga nagbiyahe.
Apang amo na lamang ang kakibot sang biktima sang makita ang natabo sa iloy rason nga nagpangayo ini sang bulig sa mga kaparyentihan nga nagdala sa biktima sa ospital.
Nagaguwa sa pagpangusisa sang kapulisan nga problema pinansiyal ang motibo sa pagpanginmatay sang biktima. Sa karon padayon nga gina-imbestigahan sang pulisya ang insedente.
