Ginang nagpanginmatay pinaagi sa pagbitay sa kaugalingon sa puno sang mangga

ROXAS CITY -Patay na ang isa ka ginang sang makit-an sang bana nga nakabitay sa puno sang mangga sa Barangay San Pedro, Pilar, Capiz.

Ginkilala ang biktima kay Josie Duran 38-anyos sang amo nga lugar.

Nasapwan na lamang ang nagabitay nga biktima sang bana nga si Reynante Albarece.

Nahibaluan nga makaduha na ka beses nga nagtuyo magpanginmatay si Duran sa diin sadto nag-inum ini sang hilo, apang maswerte nga natabangan.

Apang sa ikatatlo nga tion, dimalas na nga nadayunan ang biktima.

Ginaalegar nga may diperensiya sa paminsaron ang biktima kag ginapabulong sa isa ka ospital sa Iloilo.