-- ADVERTISEMENT --
Roxas City – Nagpa-blotter sa Roxas City PNP ang isa ka ginang matapos ginaalegar nga ginkawatan ang ila balay sa Bangbang Street, Barangay 2, Roxas City.
Suno kay Maria Nina Leonor, 41-anyos sang nasambit nga lugar nga nabugtawan na lamang niya nga bukas na ang ila sini pirtahan.
Diri na nagduda si Leonor rason nga gintsekyar sini ang ila mga kagamitan sa sulod sang balay kag didto natukiban nga gintaban sang wala matumod nga kawatan ang bag sini nga may unod nga P20,000 nga cash, P9,000 for school collection kag P5,000 nga Pulawagan Collection.
Bangud diri, ginpakamaayo na lamang ni Leonor nga ipa-rekord sa pulisya ang natabo.
Samtang, padayon naman ang imbestigasyon sang mga kapulisan sa insidente.
-- ADVERTISEMENT --
