-- ADVERTISEMENT --
ROXAS CITY – Nagparekord sa Roxas City PNP ang isa ka 63-anyos nga ginang matapos nga ginaalegar gintaban sang kawatan ang iya nga bag sa Barangay Lanot, Roxas City.
Ginkilala ang tagreklamo nga si Oliva Celoso sang nasambit nga lugar.
Sandig sa ginpabalhag ni Celoso nga ulihi na sini natukiban nga ginkawatan ini sang suspek nga si Rayan Teranti alyas Amo 25-anyos sang Barangay Lawaan sining siyudad sa diin ginaalegar gintaban ang iya bag nga may unod nga kwarta nga P3,300 kag importante nga mga dokumento.
Bangud diri, ginpakamaayo na lamang sang tagreklamo nga iparekord sa pulisya ang insidente.
