ROXAS CITY – Nagpabalhag sa Roxas City Police Station ang isa ka persona matapos nga ginaalegar ginsumbag sa Barangay Bolo, Roxas City.
Ginkilala ang tagreklamo nga si Anelyn Braulio 49-anyos sang nasambit nga lugar.
Sandig sa ginpabalhag sang tagreklamo nga samtang yara ini sa sulod sang iya tiangge gin-akat ini sang suspek nga si Sedric Lacson nga maguwa agud nga magpakig-istorya.
Apang, sang naguwa na si Braulio kag nagapakig-istorya kay Lacson nakabatyag ini nga kasubong daw may yara sang malain nga himuon sa iya rason nga nadesisyunan niya nga magbalik sa iya tiangge.
Apang, wala ginalaoman sang tagreklamo hinali na lamang ini nga ginsumbag sang suspek sa wala matumod nga rason.
Bangud diri, ginpakamaayo na lamang sang tagreklamo nga ipabalhag sa pulisya ang natabo.
