Dismayado ang isa ka ginang bangud sa ginaalegar mahinay ang pagtatap sang nalumos sini nga anak sa The Health Centrum Hospital.
Suno kay Neriza Moreno sang Barangay Lat-asan, Panay, Capiz nga nalumos ang anak sini nga si Michael Moreno matapos nga gin atake sang ginasuprehir sini nga biling sa balay sang iya tiya.
Apang nadismaya ang nasambit nga ginang matapos nga wala gilayon nga gintatap sang mag personnel kag gindala sa emergency room ang anak sini sa piihak nga yara na sa emergency situation.
Nakita man sang ginang nga nagapaawat-awat ang mga nurses rason nga wala nalikawan nga magtaas ang iya tingog.
Gindugang pa sini nga ginpahog sang mga personnel sang nasambit nga hospital ang mga kapulisan nga nag dala sang biktima sa ospital.
Samtang ginkadismaya naman sini nga gintuad sang mga personnel sang nasambit nga ospital nga COVID-19 patient ang biktima rason nga wala ginbaton sang punenarya ang napatay sini nga anak.
Samtang dako ang pagpati sang ginang nga kun gintatap gilayon ang iya anak, dako ang posibilidad nga nabuhi pa ini bangud nagapitik pa ang iya pulso sang ginadala sa ospital.
Aminado ang ginang nga may travel history sila sa Metro Manila apang gin-athag nga madugay na nga natapos ang ila 14-day quarantine.
