Ginang nagreklamo sa Roxas City PNP matapos nga ginaalegar indi manami nga pagsita sa iya sang isa ka tanod

ROXAS CITY – Nagparekord sa pulisya ang isa ka 34-anyos nga ginang matapos nga ginaalegar ginsita ini nga wala sa lugar sang isa ka barangay tanod sa Barangay Lawaan, Roxas City.

Ginkilala ang tagreklamo nga si Genalyn Patricio sang nasambit nga lugar.

Sandig sa ginpabalhag sang tagreklamo nga samtang nagakatulog ini sang hinali na lamang nga nakabati sang gahod rason nga naguwa ini sa ila balay kag didto nakita ang nasambit nga tanod nga si Cherly Colona kag nagasinggitan.

Gilayon naman ginkompronta sang tagreklamo si Colona rason nga nag-ankon sang indi pag-intiendihanay ang duha.

Bangud diri, ginpakamaayo na lamang sang tagreklamo nga iparekord sa pulisya ang insidente.