Ginang, nasanggit sang motorsiklo nga ginamaneho sang isa ka estudyante

ROXAS CITY – Nagpalanakit ang lawas sang isa ka ginang matapos aksidente ini nga nasanggit sang motorsiklo sa Arnaldo Blvd., Barangay Tanque, Roxas City.

Ang wala na ginhingadlan nga biktima ang gilayon nga gindala sa ospital agud madapatan sang nagakaigo nga pagbulong.

Sa interview sang Bombo Radyo sa isa ka estudyante, driver sang motorsiklo, ginpahayag sini nga padulong na siya sa iya eskwelahan sang aksidente sini nga nasanggit ang ginang nga nagatabok sa dalan.

Suno diri nga mahinay man ang iya padalagan sang motorsiklo apang ginapahayag nga gulpi lamang nagdalagan patabok sa karsada ang nasambit nga ginang.