-- ADVERTISEMENT --
ROXAS CITY – Nagpalab-ot sang reklamo sa pulisya ang isa ka ginang matapos nga ginaalegar gintampa kag ginpahog sang isa ka persona nga may dala nga bolo ukon sanduko sa Barangay Barra, Roxas City.
Suno sa tagreklamo nga si Mary Jane Fernando, 43 anyos sang amo nga lugar nga nagpadulong sa ila nga balay ang suspek nga si Rogelio Deanon sang amo man nga barangay sang nag-angkon sang indi pag-intiendihanay kag hinali na lamang nga gintampa sa abaga ang ginang.
Ginbuligan pa sang iya bata nga babayi ang ginang pinaagi sa pagsumbag sa suspek apang gilayon ini nga nagpauli kag nagkuha sang bolo.
Bangud diri, ginpakamaayo na lamang sang mag-iloy nga ipabalhag sa pulisya ang insidente.
