Ginang nga ginaalegar may deperensiya sa paminsaron, yara na sa advanced state of decomposition sang nasapwan sa katubuhan

ROXAS CITY – Nagakaagnas na sang nasapwan ang 48 anyos nga babaye nga ginapatihan may deperensiya sa paminsaron sa kampo sang tubo sa Barangay Monteflor, Pilar, Capiz.

Ginkilala ang biktima kay Ruby Villarta, residente sang nasambit man nga lugar.

Nahibaluan nga mismo ang duha ka mga utod ni Villarta ang nakasapu sa bangkay sang biktima sa tunga sang kampo rason nga nagpangayo ang mga ini sang responde sa kapulisan.

Sa resulta sang ginpatigayon nga post mortem examination, naggaguha nga heat stroke ang biktima nga ginapatihan gintunaan sang iya nga kamatayon.

Nahibaluan nga halos isa ka semana na nga wala nakapauli ang biktima sa ila nga balay antes ini nasapwan nga nagakaagnas na.