-- ADVERTISEMENT --
ROXAS CITY – Padayon nga ginabulong sa ospital ang isa ka ginang matapos nga ginaalegar nagtuyo kuntani nga magpanginmatay sa isa ka barangay sa banwa sang Maayon, Capiz.
Nahibaluan nga gingutrab sang wala na ginhingadlan nga ginang ang iya liog gamit ang sanggut kun sa diin nasapwan na lamang ini sang anak nga duguon na ang iya iloy.
Gilayon naman nga gindala sa Bailan District Hospital ang nasambit nga ginang para dapatan sang nagakaigo nga pagbulong.
Ginapatihan nga depresyon kag problema ang ginatudlo nga rason sang tuyo kuntani nga pag-utas sang kabuhi sang nasambit nga ginang.
