ROXAS CITY – Natrauma ang 38-anyos nga ginang matapos gintuyo nga himuslan sang nagpakilala nga driver nga magasugat sa iya.
Nagapalangurog ang lawas kag nagahibi si alyas Che Che sa tagsa ka madumduman sini ang natabo sa iya.
Suno sa biktima nagsakay ini sa motorsiklo sang driver nga nagpakilala nga ini ang ginpadala sang iya pamilya nga magasugat sa iya gikan sa trabaho.
Ginkatingala lamang sang ginang sang hinali nga nagpondo ang driver kag nagpahayag nga magapangihi ini.
Bangud nadugayan nagpamangkot ang biktima apang ginkakibot sini sang hinali ini nga sumbagon sa nawong kag kug-on ang liog.
Nagsinggitan si Che Che sa pagpangayo sang bulig tobtob may nakabati sa iya kag ginpadulungan ang lugar
Sa kahadluk sang suspek nga makilala hinali sini nga ginpaandar ang motorsiklo kag ginbayaan ang ginang.
Samtang suno sa biktima nga makilala sini ang suspek kun iya ini makita.
