Ginang nga nakainum sang bottled water nga may gas, magapasaka sang reklamo sa tag-iya sang bottled company

ROXAS CITY – Plano nga magreklamo sang isa ka ginang nga nakainum sang tubig sa bottled water nga may baho sang gas matapos nga nagsakit ang tiyan kag nagka diarrhea.

Nagsulod sa grocery store si alyas Neneng para magbakal sang bottled water nga gamiton sa imnon nga bulong.

Dyutayan lamang sini masuka ang bulong sang masaboran ang gin-inum nga tubig nga may baho sang gas.
Pila ka oras ang nakaligad nakabatyag sang pagsakit sang tiyan kag nagbalik balik na sa CR para magpangbuhin.

Bangud sa malain nga nabatyagan nagbalik sa grocery store dala ang bottled water nga may baho sang gas.

Nagpromesa naman ang tag-iya sang store nga magabulig sa ginang sa pagpasaka sang reklamo sa kumpaniya sang nasambit nga bottled water.