Ginang pilason matapos na-sideswiped sang motorsiklo

Pilas sa magkatuhay nga bahin sang lawas ang naangkon sang 53-anyos nga ginang matapos nasideswiped sang motorsiklo sa Barangay Anhawon, Panay, Capiz.

Ginkilala ang biktima nga si Elizabeth Bilan sang nasambit nga lugar samtang ang driver sang motorsiklo amo si Roque Bernas sang Barangay Bonga, Panay, Capiz.

Sandig sa imbestigasyon sang Panay PNP nga nagatabuk sa karsada ang biktima sang aksidente ini nga nahapit sang motorsiklo nga ginamaneho ni Bernas nga magapauli na kuntani sa ila balay.

Gindala sa Roxas Memorial Provincial Hospital si Bilan samtang sa Bailan District hospital naman gindala si Bernas.

Padayon sa karon ang imbestigasyon sang pulisya sa insedente.