Ginang pilason matapos nabungguan ang ginasakyan sini nga motorsiklo sang isa pa ka motorsiklo

ROXAS CITY – Nag-angkon sang mga kasamaran sa lawas ang isa ka ginang matapos nabungguan ang ginamaneho sini nga motorsiklo sang isa pa ka motorsiklo sa Sitio Calipayan, Barangay Punta Tabuc, Roxas City.

Ginkilala ang napilasan kay Analiza Balbares, 41 anyos sang Barangay Cudian, Ivisan.

Base sa inisyal nga impormasyon, samtang ginasubay ni Balbares ang lugar sakay sa iya motorsiklo, nabungguan ini sang motorsiklo nga ginamaneho ni Jomer Villa, 26 anyos sang San Juan, Jamindan.

Gilayon naman nga gindapatan sang pagbulong si Balbares kasunod sang nasambit nga aksidente.