Gin-akusahan sang isa ka abogado ang kampo ni anay Presidente Rodrigo Duterte nga nagagamit sang “delay tactics” sa pagbista sa International Criminal Court (ICC) agud makakuha sang simpatiya sang publiko.
Sa interview sang ICC Assistant to Counsel nga si Atty. Kristina Conti sa ginpahayag paggamit sang “delay tactics” sang legal team ni Duterte.
Isa sa mga ginaalegar nga taktika, suno kay Conti, amo ang tikang nga pahalinon ang duha sa tatlo ka mga hukom nga nagadumala sa kaso, bangud sa ginakabig nga bias base sa ila mga nauna nga desisyon sa mga may kaangtanan nga mga butang.
“The request to disqualify the two judges was a confidential submission, filed alongside their jurisdictional challenge. As a result, only one judge is left to hear the case, which could cause further delays in the proceedings,” paliwanag ni Conti.
“Sana hindi maging ganito ang mga susunod na takbuhin ng pagdinig… Kasi sa totoo lang, this is eight years, nine years delayed ang paglilitis tungkol sa war on drugs ni Duterte,” dugang pa niya.
Si Duterte ang nag-atubang sang kaso nga krimen batok sa katawhan bangud sa ginapahog nga pagpatay sa 30,000 ka tawo — kalabanan halin sa imol nga komunidad — suno sa Human Rights Watch.
Sa opisyal nga datus sang Philippine Drug Enforcement Agency (PDEA), naglab-ot na sa 6,241 ang numero sang mga napatay sa anti-drug campaign humalin sang Hulyo 1, 2016.
Sakop sang imbestigasyon sang ICC ang period humalin Nobyembre 1, 2011, sang alkalde pa si Duterte sang Davao City, tubtob Marso 16, 2019, sang siya ang presidente.
Sang Marso 11, 2025, gindakop si Duterte sang Philippine National Police kag Interpol, kag ginsaylo sa The Hague, Netherlands, sa amo man nga adlaw.
