Ginapahayag illegal nga droga nga ginturn-over sa Barangay Punta Tabuc, naglab-ot sa kapin P13,000.00 ang balor

Naglab-ot sa kapin P13,000.00 ang Standard Drug Price sang ginapahayag droga nga ginturn-over sang isa ka traysikol driver sa Barangay Punta Tabuc sang damlag lang.

Sa interview sang Bombo Radyo sa Officer in Charge sang Roxas City PNP nga si Plt. Col. Lumyaen Lidawan, ginpahayag sini nga naglab-ot sa 8 ka sachet sang ginapatihan droga kag may kabug-aton nga 8 ka gramos.

Matandaan nga personal nga nagpadulong sa talatapan sang Barangay Punta Tabuc si alyas “Nonoy” driver sang traysikol agud iturn-over ang kaha sang antipara nga may sulod nga mga illegal nga droga sa barangay officials.

Suno kay Plt. Col., ang nasambit nga mga droga ang igaturn-over sa Regional Forensics Unit  bangud wala pa sang indibidwal nga magapabanat.