Napasakaan na sang kaso nga paglapas sa Republic Act 10591 ukon ang Comprehensive Firearms and Ammunition Regulation Act ang isa ka lalaki nga ginapahayag intelligence operative sang National Bureau of Investigation (NBI) matapos makuhaan sang ind rehistrado nga armas-luthang sa Barangay Lawaan, Roxas City.
Ang subject person amo si alias Vic, 49-anyos kag residente sang Barangay Poblacion, Tapaz, Capiz.
Sa interview sang Bombo Radyo kay Police Lieutenant Colonel Rogelio L. Tomagtang Jr., Officer-in-Charge sang Roxas Component City Police Station, iya ginpahayag nga narekober sa posesyon sang arestado ang isa ka .45 caliber pistol kag pito ka bala.
Suno kay Tomagtang Jr., wala sang nagaigo nga mga dokumento ang arestado sa armas nga nakuha sa iya.
Dugang pa sang natungdan, natukiban man nga sa operasyon sang Traffic Management Unit (TMU), nga ang ginabiyahe sang suspek nga trycicle ang isa ka colorum.
