Ginatos ka mga estudyante sa Panay, magabaton sang P3,000 Cash Assistance

Natalana nga magabaton sang tig-P3,000 nga cash assistance ang 300 ka mga estudyante nga scholars sa banwa sang Panay.

Sa interview kay Panay Capiz Mayor Jonathan “Sonny” Besa, iya ginpahayag nga ang mga kwalipikado nga scholars makabaton sang cash assitance kada semester.

Suno sa alkalde, ini ang una nga kahigayunan nga ginpatuman sang banwa ang amo nga cash assistance para sa mga estudyante, bilang suporta sa ila edukasyon.

Ginpahanumdom man sang alkade nga dapat mapabilin ang maayo nga grado sang mga scholars agud magpadayon sila sa programa kag benepisyo nga ginahatag sang lokal nga gobyerno.