Ginbilin nga halit sang sunog nga nagluntad sa banwa sang Dumarao, naglab-ot sa P225-K

ROXAS CITY – Nagdangat sa P225,000 ang ginbilin nga kahalitan sang nagluntad nga sunog sang isa ka puluy-an sa Barangay Tinaytayan, Dumarao, Capiz kahapon sang aga Hunyo 28.

Matandaan nga takna alas 4:15 sang aga nagluntad ang sunog kag na fire out ini takna alas 4:45 sang aga.

Ang nasambit nga puluy-an ang ginapanag-iyahan ni Nona Carlete 69-anyos.

Mahibaluan nga human sa light materials ang amu nga puluy-an rason nga madasig ini nga ginkaon sang kalayo.

Sa karun, nagapadayon pa ang imbestigasyon sang mga bumbero kun anu ang gintunaan sang nasambit nga sunog.