Gintambakan sang Barangay Ginebra ang NLEX Roadwarriors 119-91 sa nagapadayon nga PBA 49th Season Governors’ Cup.
Nanguna sa kadalag-an sang Ginebra si Stephen Holt nga nagpagkit sang 26 points, 11 rebounds kag anum ka assists sa hampang nga gihiwat sa Smart-Araneta Coliseum.
Nag-ambag naman sang 20 points, walo ka rebounds, apat ka assists kag duha ka steals si Maverick Ahanmisi samtang may yara naman sang 19 points si Scottie Thompson, 19 points naman ang napagkit ni RJ Abarrientos kag 13 points, pito ka rebounds kag siyam ka assists naman ang napagkit ni Justin Brownlee.
Sa sugod pa lamang hawid sang Ginebra ang kalamangan kun sa diin sa sugod sang last quarter ang naglab-ot pa sa 33 puntos ang ila nga kalamangan.
Gindayaw naman ni Ginebra head coach Tim Cone ang iya mga players bangud sa ginpakita nga kamayad sa paghampang.
