Gin-athag sang IBON Foundation nga dapat ma-imbestigaran ang mga ginatudlo nga discrepancy sa mga dokumento kag records may kaangtanan sa manggad ni Vice President Sara Duterte.
Sa interview sang Bombo Radyo kay Sonny Africa, Executive Director sang IBON Foundation, iya ginpahayag nga importante nga mapasabat kon diin naghalin ang daku nga kantidad sang kwarta nga makita sa mga ginpresentar nga records sang unexplained wealth ni VP Sara.
Suno kay Africa, kon ang pagdako sang manggad naghalin sa negosyo, dapat usisaon kon may yara sang business interests samtang yara sa pwesto ang isa ka opisyal sang gobyerno.
Dugang pa sang natungdan dapat man usisaon ang mga bank records nga nagapakita sang daku nga pagsulod sang kwarta agud mahibaluan kon diin ini naghalin kag kon may yara sang nakaigo nga dokumento nga nagasuporta sa amo nga mga transaksyon.
