Nagapadayon ang inaway sa Southern Lebanon sa pihak sang cease-fire nga ginbaton sang Israel kag Hezbollah paagi sa proposal sang Estados Unidos sang Amerika.
Suno kay US President Donald Trump, nagkasugot ang magtimbang nga bahin nga untatan ang mga pag-atake matapos ang pag-istoryahanay sa tunga sang ila mga tiglawas.
Ginkumpirma ni Israeli Prime Minister Benjamin Netanyahu ang nasambit nga kasugtanan apang nagpaandam nga magapadayon ang pag-atake kon Indi mag-untat ang Hezbollah.
Nagpaandam man ang Iran nga ang anuman nga paglapas sa ceasefire sa Lebanon makabig nga paglapas sa nagaluntad nga kasugtanan sa tunga sang Iran kag America.
Samtang, ginpanindugan ni Trump nga ang diplomasya nagapadayon kag ang kasugtanan sa ceasefire nagapabilin nga epektibo.
