Nanari-sari ang rason sang problema sa mata. Mahimo nga simple nga pagburon apang puwede man nga sintomas sang malala nga balatian.
Ang kada isa ang mahimo nga mag-angkon sang problema sa mata. Mahimo nga magburon ang panan-awan. Kinaandan amu ang bangud lamang sa nagabag-o ang lens sang mata. Ang bulong sini amu ang paggamit sang antipara.
Apang ang pagburon sang panan-awan, kalakip ang sakit sa mata ang mahimo nga senyales sang glaucoma, isa ka seryoso nga kondisyon kun sa diin nagataas ang presyon sa sulod sang mata.
Kun nakaeksperyensya ka sang madulom ukon maburon nga panan-awan sa isa ka lugar kun sa diin ini mo makita ang pila ka mga bagay, dapat nga magpalantaw gilayon sa doktor sa mata.
May iban pa nga seryoso nga sakit sa mata kasubong sang retinal detachment, diabetic retinopathy, kag mangin ang stroke ukon tumor sa utak. Ang mga sakit sa panan-awan ang mahimo man nga rason sang mga problema sa utok. Ang kasanag sang panan-awan ang ginakontrol indi lamang sang mga structure sang eyeball (cornea, lens, retina kag optic nerve) kundi pati man sa mga lugar sang utok kun sa diin makit-an ang mga sentro sang mata sang utok (nga yara sa likod sang ulo).
Gikan sa mata tubtob sa utok, mahimo nga mangin rason sang mga problema sa panan-awan. Ini ang rason kun ngaa pinakamaayo nga magpakonsulta anay sa isa ka espesyalista sa mata.
