Gobyerno, dako ang kapiyerdihan sa wala nakulekta nga excise tax

Pila ka bilyon nga mga excise tax collection ang wala nakulekta sang gobyerno bangud sa ilegal nga baligyaanay sang mga sigarilyo kag vapes.

Ginkumpirma sang Bureau of Internal Revenue (BIR) matapos nga nagnubo ang koleksyon sang excise tax sang gobyerno.

Ginpahayag ni Dondanon Galera sang Excise Large Taxpayers Service Office sang BIR, nga nagbalhin na sa paggamit sang vape ang mga anay nagasigarilyo.

Ginkumparar man sini ang excise tax koleksyon sadtong tuig 2021 nga may yara sang P176.48-B kag ini ang nagnubo sang P134-B sadtong 2024.

Nakig-angut na sila sa mga nagkalain-lain nga ahensiya agud dalayon na nga matuldukan ang ilegal nga baligyaanay sang vape ilabi na mangin sa online nagadamo ini.