Natalana nga ilunsyar sang Department of the Interior and Local Government (DILG) ang 911 emergency hotline sa Setyembre 11.
Suno sa DILG, paga-islan sini ang masobra 30 ka local numbers agud mapadasig ang pagresponde sang kapulisan, bombero, medical kag disaster response.
Ang sistema nga “Unified 911” magakonektar sa mga nagatawag sa serbisyo sa emerhensya sa isa ka network.
Ginpahayag ni DILG Secretary Jonvic Remulla nga ang hotline isa ka “lifeline” kag ang mga operator ginahanas sa pagpasalig sa mga nagatawag nga ang bulig yara sa dalan.
Ang nasambit nga panawaga, libre sa bug-os nga pungsod sa anuman nga oras kag sarang makasabat sang nagkalain-lain nga mga lenguahe sa pungsod lakip na ang Cebuano, Ilocano, Waray, Tausug kag Tagalog.
Ang 911 ang una nga ginpatuman sa pungsod bilang national emergency number sang 2016 sa panahon ni sadto nga Presidente Rodrigo Duterte, nga nagbulos sa daan nga Patrol 117 hotline.
Makaligad ang duha ka tuig, ginpirmahan ni Duterte ang Executive Order 56 nga naga-institutionalize sang 911 sa bug-os nga pungsod.
Suno kay Eigenmann sa iya Instagram Stories, mas gusto niya nga ang iya mga kabataan mangin messy from living fully” sang sa “clean from sitting still.”
Ginhatagan niya pagtamod nga ang mga nagapakamalaut sa masami amo ang sahi sang mga ginikanan nga ginapabay-an lang ang ila kabataan sa bug-os nga adlaw nga mag-focus sa gadgets kag magkaon sang fast food.
