Naglab-ot sa Php274.926 bilyones ang pondo nga ginpain sang gobyerno sa paggasto sang mga flood control projects sa idalum sang 2026 National Expenditure Program (NEP).
Suno kay Budget Secretary Amenah Pangandaman, sang nasambit nga pondo, P272.33 bilyon ang magakadto sa Department of Public Works and Highways (DPWH) para sa ila Flood Management Program samtang ang nabilin nga P2.593 bilyon ang magakadto sa Metro Manila Development Authority (MMDA) para sa ila Flood Control Program.
Ini para sa operasyon kag pagdumala sang nagkalain-lain nga pumping stations sa National Capital Region.
Ang budget para sa MMDA amo ang pagpaayo sang flood control sa Metro Manila agud madasig nga mag-untat ang baha.
Ginpahayag ni Pangandaman nga ang nasambit nga mga proyekto ang ginrekomendar sang duha ka ahensya.
Ginhatagan pagtamod ni Pangangandaman nga base sa ila budget call, ginapasalig nila sa DPWH kag MMDA nga dapat may yara sang nagakaigo nga planning kag feasibility studies kag matumod ang mga lugar nga ila pagabutangan sang mga proyekto.
Sa pihak nga bahin, ginpahayag ni House Committee on Appropriations Chairman Rep. Mikaela Suansing nga sa tion sang pagdul-ong sang budget, tan-awon nila ang mga proyekto sa pagkontrol sang baha kag ang tagsa ka rehiyon dapat magpresentar sang kabilugan nga plano sa pagpahaganhagan sang pagkontrol sang baha kag siguraduhon nga ang nasambit nga proyekto aktwal nga nagaluntad.
