Gobyerno, nagahulag na agud mapapauli ang mga tripulante nga mga Pinoy sa MV Tutor nga ginbomba sang Houthi – PBBM

Ginsiguro ni Pangulong Ferdinand “Bongbong” Marcos Jr., nga ginahimo na sang gobyerno ang tanan agud madala sa luwas nga lugar ang mga Filipino seafarers nga sakay sang ginbomba nga barko nga MV Tutor sa Red Sea.

Suno sa Presidente, nakig-angut na sila sa United Kingdom Maritime Trade Operations agud madala ang mga tripulante sa Djibouti.

Oras nga madala na ang mga ini sa Djibouti, gilayon na nga iproseso sang gobyerno ang pagpauli sang mga ini sa Pilipinas.

Matandaan nga ginbomba sang Houthi rebels ang MV Tutor sadtong Hunyo 12 sa Red Sea kag Gulf of Aden.

Mahibaluan nga suno sa DMW, 22 nga mga Pinoy seaman ang sakay sang nasambit nga barko kag isa sa mga ini ang nagapabilin nga nadula.