Nagpaguha sang masobra P57.120-M ang Department of Budget and Management (DBM) para sa edukasyon sang mga katutubo.
Mahibaluan nga gin-aprubahan ni Budget Sec. Amenah Pangandaman ang special allotment release order kag notice of cash allocation para sa Payapa at Masaganang Pamayanan (PAMANA) program sang Department of Social Welfare and Development – National Commission on Indigenous Peoples (DSWD-NCIP).
Ibutang ang nasambit nga pondo sa educational assistance program sang PAMANA nga itan-ay sa 1,358 nga benepisyaryo ngaikan sa conflict-affected IP areas sa Cordillera Administrative Region, MIMAROPA, Region 9, 11, 12, kag 13.
Tinutuyo sini nga masiguro ang access sa dekalidad nga edukasyon sang mga estudyante nga katutubo para sa maayo nga buwas damlag, kadungan sang pagduso sang kahilwayan kag pag-umwad sa conflict-areas.
