Nagpanawagan ang gobyerno sang Australia sa publiko nga magpreparar kag magtago sang bastante nga pagkaon, ilimnon nga tubig kag iban pa nga mga nagapanguna nga kinahanglanon bilang preparasyon sa posible nga krisis.
Suno kay Bombo Denmark Suede, international correspondent sa Australia, iya ginpahayag nga gina-engganyo ang mga pumuluyo nga may yara sang kaugalingon nga emergency supplies nga sarang magamit sa tion nga may yara sang wala ginalauman nga hitabo.
Pahayag pa sini, importante nga mangin preparado ang tagsa ka pamilya sa posible nga kakulang sang supply sang pagkaon kag tubig, subong man sa iban pa nga mga sitwasyon nga mahimo makaapekto sa adlaw-adlaw nga pagpangabuhi
Dugang pa sang natungdan, importante sa tagsa ka pamilya nga may plano agud masiguro ang ila kaluwasan kag mga kinahanglanon sa tion sang emerhensya.
