ROXAS CITY-Wala sang ginapatuman nga ‘lockdown’ ang pungsod Sweden sa pihak nga may yara sang pagpamahog sang coronavirus disease (COVID-19) pandemic.
Ini ang ginpahayag ni Bombo International Correspondent Anne Herrstroem sa iya nga report sa Bombo Radyo.
Suno diri nga voluntary lockdown ang ginasunod sang mga residente kun sa diin wala sang mandu gikan sa gobyerno sang Sweden nga magsarado ang mga establisyemento kag mga buluthuan.
Apang hugot nga ginasunod ang social distancing kag proper hygiene procedures sang mga residente sa pungsod.
Wala man gina-obserbar sang mga residente ang pagsuksok sang face mask samatng kag nagapabilin nga madamo ang mga tawo mga pampubliko nga lugar kag kalan-an.
Ginkumpirmar man sini nga wala sang ginapatuman nga curfew ang pungsod.
Ginalantaw nga rason ni Herrstroem nga nagaulikid sa ekonomiya ang pungsod rasun nga wala sang may ginapatuman nga lockdown ang gobyerno.
