Ginpasangkad sang gobyerno sang Mexico ang seguridad para sa pagbukas sang FIFA World Cup 2026.
Suno kay Bombo Julius Besejos Lerdon, international correspondent sa Mexico City, iya ginpahayag nga kabahin sang preparasyon sa seguridad sang Mexico amo ang koordinasyon sa International Criminal Police Organization ukon Interpol agud masiguro ang kaluwasan sang mga tumalan-aw, mga atleta, kag mga opisyales sa makasaysayan nga torneo.
Ginpahayag man sini nga hugot nga ginpatuman ang surveillance sa mga stadiums kag iban pa nga mga lugar kun sa diin pagahiwaton ang World Cup activities.
Nagpreparar man ang mga otoridad sang mas ginpabaskog nga monitoring systems kag surveillance operations agud gilayon nga makilala kag mapanabat ang anuman nga posible pamahog sa seguridad sa tion sang torneo.
