ROXAS CITY – Ginpakigbahin sang isa ka Overseas Filipino Worker (OFW) sa Qatar nga sumugod sang nahibaluan nga mangin host country ang amu nga pungsod sa Fédération Internationale de Football Association (FIFA) World Cup subong nga 2022, nangin masako na ang ila gobyerno sa ginhiwat nga preparasyon.
Sa interview sang Bombo Radyo kay Bombo International Correspondent (INC) Ava Marie Balmaceda, anay teaching assistant kag sa karon full time vlogger, kag masobra 8 na katuig nga nagapuyo sa amu nga pungsod, suno diri, minilyon nga dolyares na ang nagasto sang gobyerno sang Qatar agud mangin madinalag-on ang ila pag-host sa makabig pinaka-engrande kag prestihiyuso nga hinampang sa bug-os nga kalibutan.
Madamo naman suno diri sang stadium kag hotels ang ginpatukod, kag maayo nga balita sa mga OFW bangud kalabanan sa gina-hire agud magserbe amu ang mga Pinoy.
May pipila naman ka mga foreign artists kag linibo nga mga volunteers sa kalibutan ang nagaamat-amat na padulong sa ila pungsod.
Pag-abot sa seguridad, bangud zero crime ang ila lugar, ginapasalig man diri sang ila gobyerno ang hilway nga palibot.
Sa karon, masiling sini nga preparado na ang Qatar sa pagsug-alaw sang masobra 30 ka nagkalain-lain nga mga pungsod nga magapartisipar sannasmabit nga pangkalibutanon nga hinampang sa Nobyembre 2022.
