Padayon ang pagkusog sang bagyo nga “Gorio” samtang ini ang nagapalapit sa southern part sang Taiwan.
Base sa pinakaulihi nga report, ginabulubanta yara sa 160 kilometro amihan sang Itbayat, Batanes ang sentro sang mata sang bagyo, sandig sa tanan nga nakuha nga ng datos.
Nagahulag ini pa west sa kadasigun nga 25 kilometro kada oras, nga may pinakamabaskog nga hangin nga nagalab-ot sa 155 kilometro kada oras malapit sa tunga sang bagyo, kag may paghuyop sang hangin nga mahimo maglab-ot sa 215 kilometro kada oras.
Bangud sa kabaskog sang bagyo, ginpasaka ang Signal No. 2 sa Itbayat, Batanes, samtang yara sa idalom sang Signal No. 1 ang nabilin nga bahin sang Batanes.
Magluwas sa direkta nga epekto sang bagyo, ginapakusog man sini ang Southwest Monsoon ukon Habagat, nga magatuga sang mga makusog tubtob sa kaangay bagyo nga paghuyop sang hangin sa pila ka bahin sang north Luzon.
Kalakip sa mga apektado nga lugar ang Babuyan Islands, northern part sang mainland Cagayan, eastern part sang Isabela, kag northern part sang Ilocos Norte, ilani na sa mga baybayon kag mga matag-as nga lugar nga bukas gid sa hangin.
Ginaabisuhan ang publiko nga mangin aligmat kag preparado sa posible nga pagbaha, landslide, kag pagtaas sang balud sa mga apektado nga lugar.
