LANOT, Roxas City – Ginlaragway ni Governor Fredenil H “Oto” Castro, Capiz Governor si Police Brigadier General Randulf T. Tuaño, Regional Director sang Police Regional Office 6, bilang ehemplo nga dapat sundon sang mga kapulisan bangud sang iya maayo nga pamatasan.
Matandaan ini ang ginpahayag niya matapos ang ginpatigayon nga command visit kag awarding sang plaque of recognition sa madinalag-on nga pag-implementar sang Project Restrict, Track and Turn-In “RTT” 3389 sa Camp Teodorico C. Apil sa Barangay Lanot, Roxas City.
Suno kay Castro, nakita niya kay PBGen Tuaño ang Good Manners and Right Conduct bilang isa ka police officer.
Samtang, kun estoryahan naman ang iya relasyon sa iya pagpanguna bilang Regional Director, wala ka sang pagpangduhaduha nga mabatygan bangud sa
Pahayag pa niya, bisan mataas ang ranggo ni Tuaño kag estrikto ini sa iya katungdanan, napakita lamang ini nga nahibaluan niya kon paano ibulag ang iya posisyon bilang opisyal sang PNP kag bilang isa man ka ordinaryo nga tawo.
Sa karon ginalauman niya nga mapadayon ni Tuaño ang iya maayo nga karakter kag mapalapnag ini sa iban pa nga mga katapo sang kapulisan, para sa padayon nga pagserbisyo, pagmintinar sang kalinong kag katawhay sa Western Visayas.
