ROXAS CITY – Ginpahayag ni Atty. Luvim Amores, Information kag Human Resource Officer sang Provincial government nga isa sa mga luyag ipatuman ni Governor Fredenil ‘Oto’ Castro amu ang palip-oton ang tyempo sa paghikot sang nagapangayo sang bulig sa Kapitolyo.
Sa pagpakig-angut sang Bombo Radyo kay Atty. Amores, ginsiling sini nga indi luyag si Governor Castro nga pabalik-balikon pa sang pila ka beses ang isa ka indibidwal sa pagproseso sang financial assistance sa gobyerno probinsyal.
Halimbawa suno diri, nga kun magpasa sang kumpleto nga dokumento sa aga, pagkahapon gilayon na ini nga makuha.
Panindugan suno diri ni Governor Castro nga kun ginapabalik-balik pa ang isa ka tawo sa amu nga financial assistance, wala ini sang pagbulig nga nagakatabo.
Ginpatawag naman ang mga Liga ng Barangay President sa nagkalain-lain nga LGU, para sa nasambit nga mandu sang Gobernador.
