Gov. Contreras gin-athag ang kapaslawan sang hospital officials nga wala makatambong sa legislative inquiry sang SP

ROXAS CITY – Gin-athag ni Governor Esteban Evan Contreras ang rason nga wala makatambong ang hospital officials sa imbestigasyon sang provincial board bangud may yara sang nagapadayon nga imbestigasyon ang Fact-Finding Committee nga gintukod mismo sang gobernador natuhoy sa apat ka mga pasyente nga napatay sa Intensive Care Unit sang Roxas Memorial Provincial Hospital (RMPH).

Suno kay Contreras nga mahimu makumpromiso ang ginpatigayon nga imbestigasyon sang Fact Finding Committee kun sila ang magatambong sa legislative inquiry sang provincial board.

Apang magahatag sang report ang komite sa Sangguniang Panlalawigan sa mangin resulta sang ila fact-finding imbestigasyon.